男人唔識同細路溝通？

同幾個學生討論性別、家庭，佢地都幾保守（一個尼泊爾裔一個菲裔一個本地讀國際學校），話男人唔識同細路溝通，最好阿媽唔好返工留喺屋企陪細路。

跟住我話：「你地有無聽過mansplain？」

佢地點頭。

我：「咁呢啲鍾意mansplain嘅男人，唔係應該好啱湊細路咩？咩都mansplain一餐又有人聽佢講野。點解佢地唔mansplain俾細路聽？」

佢地笑：「唔知。」

我係認真諗呢個問題，可能mansplain本身就表示佢地講野前無去估計對方嘅背景知識，即係唔識溝通，所以只鍾意mansplain俾女性聽，因為無聽唔明嘅問題；但如果細路聽完都唔明，佢地都唔會識用其他方法解釋。