支持塔利班又同意自由主義

呢堂講到自由主義，我話自由主義主張政府唔好干預，除非有人傷害其他人。跟住我話咁係咪唔應該禁毒？有學生話吸完毒會失控，為保護其他人所以禁毒。我話如果係咁係咪應該禁埋酒？上次話支持塔利班個巴裔學生狂點頭。

我問佢：「你又點睇？」

佢話：「我覺得應該兩樣都唔好禁，等人自己選擇。」

我話：「咁你點解支持塔利班？」一遇到佢講啲嘢同塔利班路線唔一樣我就問佢。

佢大笑：「又問。我唔支持塔利班喇，Miss，你上次講完，我上網做咗啲research。」

我：「希望係啦。」