1. 同我啲學生講起寒假去伊拉克，印裔學生話：「去做乜，俾人炸？」
我話：「乜你咁racist㗎。」
佢話：「我都係brown，自己人，唔算racist。」
土耳其英國混血朋友：「唔明你點解喺中東成日俾人性騷擾都仲咁鍾意去，咁多問題，我都唔係好想去。」
我：「鍾意文學音樂嗰啲無辦法啦，日常生活係唔pleasant嘅，當自己去咗動物園囉。」講完奸笑：「我係咪好過分？」
問題：我racist啲定我學生racist啲？
2. 同巴勒斯坦混伊拉克裔法國朋友（見前文《走佬專家》，連結放留言）講起去伊拉克，我問佢有無伊拉克護照，佢話：「無，我諗我要攞都可以嘅，不過唔知攞來為乜。」
我笑：「為咗’uruba？」（泛阿拉伯主義，提倡眾多阿拉伯國家要相親相愛團結一致。）
我又問佢去約旦去邊度玩好，因為佢有親戚喺約旦。
佢話：「去Petra、Jerash，仲有耶穌受洗嘅地方。」
我：「你係咪巴勒斯坦人來㗎，耶穌受洗嘅地方唔係喺巴勒斯坦嗰邊咩？」
佢：「總之一定唔係喺以色列嗰邊。」
3. 摟讀中東研究嘅朋友一齊去大馬士革：「大馬士革喎，要唔要一齊去，呢啲嘢bucket list來㗎喎。」
「啱，不過我驚驚地。」
「唔緊要啦，bucket list完咪可以kick the bucket囉。」
***
之前講到我選擇困難定唔到日期，未買中間嘅機票。選擇困難症點醫好？
好簡單，見到機票開始貴，即刻嗱嗱臨book晒。搵到巴格達都有Airbnb，但大馬士革就無。
2023年10月24日星期二
2023年10月19日星期四
【說好香港故事之香港好有活力】
有個2017年喺埃及見過嘅人message我話喺香港，想同我見面，我完全諗唔起佢係點，但我搵到Couchsurfing嘅對話，我心諗既然諗唔起應該都好悶唔使見。
我問佢十一點得唔得，我其實係話第二朝，佢以為係即晚（埃及人先係夜繽紛）；跟住我想約佢另一日夜晚七點半，但我寫錯八點半。係咁搞錯完全覺得無緣分不如唔好見，但我同自己講人地難得來到唔好咁衰，盡量見啦，其實係純粹花痴佢send語音把聲好聽。
我上完堂趕去見佢，但佢遲到又唔識路，我到咗佢先截的士來，啲的士佬唔想啋佢，我叫佢上車先再俾個電話我同個司機講目的地。搞咗一輪終於見到，埃及人真係好守時。
見到我就明點解無印象，因為讀工程唔係好有文化，但呢幾年對口音嘅觸覺更加敏銳，留意到呢啲就係埃及嘅有錢人，嗰個溫文嘅口音就係資產階級嘅氣息，喺我喺埃及常去嘅地方好少遇得到，因為佢地會係度假區、西餐廳嗰啲地方出沒。可惜佢唔文藝，如果讀詩俾我聽應該暈晒浪。好少聽到人講埃及話咁好聽，黎巴嫩人講嘢溫文就聽得多，埃及話係比較適合嗌交，所以我學埃及話。
佢話唔認得我因為我喺埃及著好多衫，我話：「因為喺埃及丫嘛。」
傾咗一輪兩地文化、生活，都有趣嘅，起碼佢見到香港係點，唔似喺埃及傾偈啲人都唔知我來自咩地方。佢來睇電子展，話覺得香港好有活力好舒服，簡直想留低喺度住，問我香港嘅一般收入同租金係點。近排開始同另一個法國人練法文，佢因為同香港人結婚所以來香港，做運動教練；問佢覺得香港點，佢又係話呢個地方好有活力。本地人眼中嘅不景氣，喺外地人嘅眼中，原來係好有活力。老實講我自己鍾意依家冷清啲，成街都係人好辛苦。
見完面我send message話好開心再見到佢、祝佢旅程順利之類，佢用語音覆，我話：「你把聲好好聽，呢啲係咪就係中產口音？」
佢話：「埃及依家無晒中產啦。」
我心諗即係上層啦。埃及係非常M型社會，上層永遠上層，窮人好難向上爬，好啲嘅出路基本上就係去海灣國家打工。而佢屋企開國際學校，佢舅父又周圍帶佢出差傾生意，瘟疫停課佢又自己搞貿易，好少遇到埃及人咁多業務，屋企應該好有人脈。
播佢嘅訊息俾阿拉伯文學生聽，聽完我問：「佢把聲係咪好好聽？」
學生反晒白眼：「妖，仲以為係listening，等我地聽得咁留心又聽唔明。」
我問佢十一點得唔得，我其實係話第二朝，佢以為係即晚（埃及人先係夜繽紛）；跟住我想約佢另一日夜晚七點半，但我寫錯八點半。係咁搞錯完全覺得無緣分不如唔好見，但我同自己講人地難得來到唔好咁衰，盡量見啦，其實係純粹花痴佢send語音把聲好聽。
我上完堂趕去見佢，但佢遲到又唔識路，我到咗佢先截的士來，啲的士佬唔想啋佢，我叫佢上車先再俾個電話我同個司機講目的地。搞咗一輪終於見到，埃及人真係好守時。
見到我就明點解無印象，因為讀工程唔係好有文化，但呢幾年對口音嘅觸覺更加敏銳，留意到呢啲就係埃及嘅有錢人，嗰個溫文嘅口音就係資產階級嘅氣息，喺我喺埃及常去嘅地方好少遇得到，因為佢地會係度假區、西餐廳嗰啲地方出沒。可惜佢唔文藝，如果讀詩俾我聽應該暈晒浪。好少聽到人講埃及話咁好聽，黎巴嫩人講嘢溫文就聽得多，埃及話係比較適合嗌交，所以我學埃及話。
佢話唔認得我因為我喺埃及著好多衫，我話：「因為喺埃及丫嘛。」
傾咗一輪兩地文化、生活，都有趣嘅，起碼佢見到香港係點，唔似喺埃及傾偈啲人都唔知我來自咩地方。佢來睇電子展，話覺得香港好有活力好舒服，簡直想留低喺度住，問我香港嘅一般收入同租金係點。近排開始同另一個法國人練法文，佢因為同香港人結婚所以來香港，做運動教練；問佢覺得香港點，佢又係話呢個地方好有活力。本地人眼中嘅不景氣，喺外地人嘅眼中，原來係好有活力。老實講我自己鍾意依家冷清啲，成街都係人好辛苦。
見完面我send message話好開心再見到佢、祝佢旅程順利之類，佢用語音覆，我話：「你把聲好好聽，呢啲係咪就係中產口音？」
佢話：「埃及依家無晒中產啦。」
我心諗即係上層啦。埃及係非常M型社會，上層永遠上層，窮人好難向上爬，好啲嘅出路基本上就係去海灣國家打工。而佢屋企開國際學校，佢舅父又周圍帶佢出差傾生意，瘟疫停課佢又自己搞貿易，好少遇到埃及人咁多業務，屋企應該好有人脈。
播佢嘅訊息俾阿拉伯文學生聽，聽完我問：「佢把聲係咪好好聽？」
學生反晒白眼：「妖，仲以為係listening，等我地聽得咁留心又聽唔明。」
2023年10月8日星期日
印度同巴基斯坦嘅界線
今日上堂講民族主義，見啲學生懨懨欲睡，於是我話：「例如，印度同巴基斯坦係咪唔同民族？基於乜嘢？」
印裔女學生有啲激動： 「當然唔同，個樣已經睇得出。」
今次其他幾個印巴裔學生無所謂，喺度搞笑：「係，Miss，快啲睇下我地個樣。」
印裔女學生：「就好似啲人話中國人同日本人睇唔出，係外人唔識睇啫。」
我：「我都唔敢話識睇喎，真係靠外表分可能係睇衣著多過睇樣。」
印裔女學生：「文化、宗教、語言等等都完全唔同。」
我：「印度都有穆斯林。」
印裔女學生：「有，但係巴基斯坦係基於伊斯蘭教，印度係印度教。」
我：「我地可唔可以想像個國界唔一樣？」
其他印巴學生齊聲話：「喀什米爾！」
我奸笑話：「係囉，屬於邊個？」
巴裔學生：「唔知。」
印裔女學生：「就算條界可以變，印度同巴基斯坦都係好唔同，完全唔係一回事。」
印裔女學生有啲激動： 「當然唔同，個樣已經睇得出。」
今次其他幾個印巴裔學生無所謂，喺度搞笑：「係，Miss，快啲睇下我地個樣。」
印裔女學生：「就好似啲人話中國人同日本人睇唔出，係外人唔識睇啫。」
我：「我都唔敢話識睇喎，真係靠外表分可能係睇衣著多過睇樣。」
印裔女學生：「文化、宗教、語言等等都完全唔同。」
我：「印度都有穆斯林。」
印裔女學生：「有，但係巴基斯坦係基於伊斯蘭教，印度係印度教。」
我：「我地可唔可以想像個國界唔一樣？」
其他印巴學生齊聲話：「喀什米爾！」
我奸笑話：「係囉，屬於邊個？」
巴裔學生：「唔知。」
印裔女學生：「就算條界可以變，印度同巴基斯坦都係好唔同，完全唔係一回事。」
香港最好吃的是麥當勞
以前在港大一起讀阿拉伯文的同學在阿聯酋領事館工作，安排了阿聯酋的阿拉伯搖滾樂隊來香港表演。
樂隊叫Noon，有三個人，在阿聯酋長大的印裔鼓手、埃及烏德琴手/歌手、英國低音結他手。我等他們調校音響後一起吃午飯，埃及人遲遲未到，根本不來試音響（只在午飯後綵排），於是大家不等他了直接出發。既然來到香港，大伙兒就去酒樓吃，但埃及人只吃阿拉伯食物及快餐，於是他自己去吃麥當勞。遲到和不嘗試新事物，真是非常阿拉伯人。
樂隊表演很好，阿拉伯音樂加上drumset的強勁節拍，一般聽眾都不會覺得悶。這隊樂隊中印裔鼓手才是主角，埃及人唱得不錯，但烏德琴插線，可能調得不好，聲音偏乾，不太共鳴。不過邊聽邊思考阿拉伯音樂如何加上流行元素，是蠻有趣的。
本來有西九有第二場表演，不過可惜八號風球取消了。
PS. 還好不是肯德基，不然就變成香港做雞是對的。
2023年10月2日星期一
支持塔利班又同意自由主義
呢堂講到自由主義，我話自由主義主張政府唔好干預，除非有人傷害其他人。跟住我話咁係咪唔應該禁毒？有學生話吸完毒會失控，為保護其他人所以禁毒。我話如果係咁係咪應該禁埋酒？上次話支持塔利班個巴裔學生狂點頭。
我問佢：「你又點睇？」
佢話：「我覺得應該兩樣都唔好禁，等人自己選擇。」
我話：「咁你點解支持塔利班？」一遇到佢講啲嘢同塔利班路線唔一樣我就問佢。
佢大笑：「又問。我唔支持塔利班喇，Miss，你上次講完，我上網做咗啲research。」
我：「希望係啦。」
我問佢：「你又點睇？」
佢話：「我覺得應該兩樣都唔好禁，等人自己選擇。」
我話：「咁你點解支持塔利班？」一遇到佢講啲嘢同塔利班路線唔一樣我就問佢。
佢大笑：「又問。我唔支持塔利班喇，Miss，你上次講完，我上網做咗啲research。」
我：「希望係啦。」
訂閱：
文章 (Atom)