今日上堂講民族主義，見啲學生懨懨欲睡，於是我話：「例如，印度同巴基斯坦係咪唔同民族？基於乜嘢？」
印裔女學生有啲激動： 「當然唔同，個樣已經睇得出。」
今次其他幾個印巴裔學生無所謂，喺度搞笑：「係，Miss，快啲睇下我地個樣。」
印裔女學生：「就好似啲人話中國人同日本人睇唔出，係外人唔識睇啫。」
我：「我都唔敢話識睇喎，真係靠外表分可能係睇衣著多過睇樣。」
印裔女學生：「文化、宗教、語言等等都完全唔同。」
我：「印度都有穆斯林。」
印裔女學生：「有，但係巴基斯坦係基於伊斯蘭教，印度係印度教。」
我：「我地可唔可以想像個國界唔一樣？」
其他印巴學生齊聲話：「喀什米爾！」
我奸笑話：「係囉，屬於邊個？」
巴裔學生：「唔知。」
印裔女學生：「就算條界可以變，印度同巴基斯坦都係好唔同，完全唔係一回事。」
沒有留言:
發佈留言